Kylian Mbappe ishte një nga lojtarët më të spikatur në fitoren 3-2 të Paris Saint-Germain kundër Bordeaux të shtunën, duke shënuar golin e tretë të skuadrës së tij.

Ylli francez foli para ndeshjes dhe pranoi se skuadra e tij nuk po luan në mënyrën më të mirë, por se tre pikë ishin më e rëndësishmja atë ditë.

PSG ishte tre gola në përparësi para se vendasit të shënonin dy herë në pjesën e dytë, por Mbappe këmbënguli se ata nuk ishin të shqetësuar.

“Ne nuk ishim të shqetësuar”, tha ai.

“Mendoj se ndeshja e sotme nuk ishte siç ka qenë kohët e fundit. Ata shënuan dhe kjo është diçka që mund ta kishim shmangur, por ne nuk vuajtëm në ndeshje. Ne kemi vuajtur më shumë në javët e fundit sesa sot”, u shpreh sulmuesi francez.

22-vjeçari foli edhe për stilin e lojës së PSG nën drejtimin e Mauricio Pochettinos.

“Unë mendoj se kemi periudha të cilësisë së mirë në të cilat kemi treguar se sa të mirë jemi”.

“Unë do të themë, megjithatë, se nuk ka qenë e mjaftueshme me ekipin që kemi, por ne përpiqemi të përmirësohemi çdo ditë. Unë mendoj se po përmirësohemi”, përfundoi ai.

Të shtunën, PSG fitoi në udhëtim te Bordeaux me rezultat 2-3, ndërsa Kylian Mbappe dhuroi dy asistime  dhe shënoi një gol./Arbresh.info